മേട്രണ്‍ കം റസിഡണ്ട് ട്യൂട്ടര്‍ ഇന്റര്‍വ്യു

കോഴിക്കോട് ജില്ലയില്‍ പട്ടികജാതി വികസനവകുപ്പിന് കീഴിലെ ആണ്‍/പെണ്‍കുട്ടികളുടെ ഗവ. പ്രീമെട്രിക് ഹോസ്റ്റലുകളിലേക്ക് രാത്രികാല പഠന മേല്‍നോട്ട ചുമതലകള്‍ക്കായി മേട്രണ്‍ കം റസിഡണ്ട് ട്യൂട്ടര്‍മാരെ കരാര്‍ അടിസ്ഥാനത്തില്‍ നിയമിക്കുന്നു.

പട്ടികജാതി വിഭാഗത്തില്‍പ്പെട്ട യുവതീയുവാക്കൾക്ക് അപേക്ഷിക്കാം.

പട്ടികജാതി വിഭാഗത്തില്‍പ്പെട്ട അപേക്ഷകരുടെ അഭാവത്തില്‍ മറ്റു വിഭാഗത്തില്‍ നിന്നുമുള്ളവരെ പരിഗണിക്കും.

അംഗീകൃത സര്‍വകലാശാലയില്‍ നിന്നും ബിരുദവും ബി എഡും ഉള്ളവരായിരിക്കണം.

നിയമനം 2025 മാര്‍ച്ച് വരെ. സ്ഥിര നിയമനത്തിന് അര്‍ഹതയുണ്ടായിരിക്കില്ല. പ്രവൃത്തി സമയം വൈകിട്ട് നാല് മുതല്‍ രാവിലെ എട്ട് മണി വരെ.

ആണ്‍കുട്ടികളുടെ ഹോസ്റ്റലുകളിലേക്ക് പുരുഷ ജീവനക്കാരും പെണ്‍കുട്ടികളുടെ ഹോസ്റ്റലുകളിലേക്ക് വനിത ജീവനക്കാരെയുമാണ് പരിഗണിക്കുക. പ്രതിമാസ വേതനം 12000 രൂപ.

വിദ്യാഭ്യാസ യോഗ്യത, വയസ്സ്,(എസ്.എസ്.എല്‍.സി.ബുക്ക്), മുന്‍പരിചയം തെളിയിക്കുന്ന സര്‍ട്ടിഫിക്കറ്റ്, തിരിച്ചറിയല്‍ രേഖ എന്നിവയുടെ അസ്സലും പകര്‍പ്പും സഹിതം ഒക്ടോബര്‍ 17 ന് രാവിലെ 10.30 ന് സിവില്‍ സ്റ്റേഷനിലെ ജില്ലാ പട്ടികജാതി വികസന ഓഫീസില്‍ കൂടിക്കാഴ്ചയ്ക്ക് എത്തണം